भद्रपुर, कात्तिक २३ । पोखराका छन्दवादी कवि छन्दमणि त्रिपाठीको एकल कविता वाचन चन्द्रगढीमा सम्पन्न भएको छ ।
लेखनाथ पुस्तकालय चन्द्रगढीको आयोजनामा त्रिपाठीद्वारा रचना गरिएका विभिन्न छन्दका कविता विभिन्न श्रष्टाहरूले वाचन गरेका थिए ।
पुस्तकालयकी उपसभापति तथा कार्यक्रम संयोजक खगेन्द्रा खुसीको अध्यक्षतामा सम्पन्न कार्यक्रममा त्रिपाठीका कविताहरूलाई गायक हस्त परियार, कवि विरही अधिकारी, गायिका राधा रिमाल, अनिता पौडेल, पंडित पिताम्वर अधिकारी, चन्द्रमणि पौडेल, प्राञ्जल दाहाल, आर्या त्रिपाठी, आयुष्मा घिमिरेलगायतले वाचन तथा गायन गरेका थिए ।
पुस्तकालयका सचिव हरिकिशोर आचार्यले सहजीकरण गरेको कार्यक्रममा भद्रपुरका कवि, कवयत्री तथा लेखकहरूको सहभागिता रहेको थियो ।
