झापा, कात्तिक २६ । हिजो साँझ पाँचथरको फालेलुङमा आगलागी हुँदा एक घर जलेर नष्ट भएको छ ।
साँझ ७ बजे फालेलुङ –२ जोरपाटी बस्ने नबराज बिष्टको घरमा आगलागी भएको हो । अचानक भएको सो आगलागीबाट बिष्टको ढुंगा, माटो ,काठले बनेको टिनको छानो भएको दुईतले दुई कोठे घर पूर्ण रुपमा जलेर नष्ट भएको छ ।
घर र घरभित्र रहेका अन्नपात, लत्ताकपडा, भाडाबर्तन, काठपात गरी अन्दाजी ३ लाख ५० हजार बराबरको क्षति भएको प्रहरीले जनाएको छ
