झापा, कात्तिक २७ । खोटाङको बराहपोखरी मेलामा ड्युटीमा खटिन हिडेका दुई प्रहरी मोटरसाइकल दुर्घटनामा घाइते भएका छन् ।
प्रहरी चौकी हुक्नाजोर खोटाङ दरबन्दी भई प्रहरी चौकी देबीस्थानका इन्चार्ज प्रहरी सहायक निरीक्षक धनबहादुर भण्डारी र जिल्ला प्रहरी कार्यालय खोटाङ दरबन्दी भई सोही चौकीमा कार्यरत प्रहरी जवान बेदबहादुर परियार घाइते भएका हुन् । बराहपोखरी– १ बराहपोखरीमा हिजोदेखि लागेको एकादशी मेला डियुटीमा खटिन जाने क्रममा हिजो बिहान ८ः३० बजे जन्तेढुङगा– ५ खर्क खेलमैदान छेउमा परियारले चलाएको को १ प २२४६ नम्बरको मोटरसाइकल ढुंगामा ठोक्किएर दुर्घटना भएको थियो ।
घाइते परियारलाई धरानस्थित घोपा क्याम्प ल्याइएको र भण्डारीलाई नेपाल प्रहरी अस्पताल महारागंज काठमाण्डौंतर्फ पठाइएको प्रहरीले जनाएको छ ।
