झापा, कात्तिक २७ । लमजुङ र नुवाकोटका दुई युवासहित रौतहटका एक युवक पनि मेची पुलमा लागूऔषधसहित पक्राउ परेका छन् ।
आज साँझ ७.३० बजे मेचीनगर नगरपालिका वडा न. ६स्थित पुरानो मेची पुलमा भारतबाट सिटी रिक्सामा नेपालतर्फ आउँदै गरेका रौतहट गरुडा नगरपालिका वडा न. ५ बस्ने २१ वर्षीय रमोध राय यादवलाई प्रहरीले पक्राउ गरेको हो । शंका लागेर चेकजाँच गर्दा उनको साथबाट प्लाष्टिकसहित १० ग्राम २१० मिलिग्राम ब्राउनसुगर फेला परेको थियो ।
उनलाई नियन्त्रणमा लिई इलाका प्रहरी कार्यालय काँकरभिट्टामा राखी थप अनुसन्धान कार्य जारी रहेको जिल्ला प्रहरी कार्यालयले जनाएको छ ।
