एकादशीको पूजा गर्दा दियोको आगो सल्किएर वृद्धा घाइते

झापा, कात्तिक २८ । हरिबोधनी एकादशीको पूजा गर्ने क्रममा दियोको आगो कपडामा सल्किएर बिर्तामोडमा एक वृद्धा सख्त घाइते भएकी छन् ।

बिर्तामोड ४ निवासी उद्योग वाणिज्य संघ विर्तामोडका अध्यक्ष राजु न्यौपानेकी आमा अन्दाजी ८५ वर्षीया पुष्पलता न्यौपानेले हिजो बिहान साढे ९ बजेतिर एकादशीको पूजा गर्ने क्रममा दियोको आगो उनको कपडामा सल्किएको थियो ।

उनको हात र ढाड जलेको छ । घाइतेको बिर्तासिटी अस्पताल बिर्तामोडमा उपचार भइरहेको बिर्तामोड प्रहरीले जनाएको छ ।