झापा, मंसिर ३ । धनकुटाको भेडेटारमा मोटरसाइकलसहित गाँजा बरामद गरिएको छ ।
आज बिहान ६ वजे धनकुटा साँगुरीगढी– ६ स्थित भेडेटार चौकमा खटिएको चेकिङ टोलीलाई देख्नासाथ धनकुटाबाट धरानतर्फ आउँदै गरेको बाग्मती प्रदेश ०२–०५२ प ०८९० नम्बरको मोटरसाइकल चालकले मोटरसाइकल छोडेर भागेका थिए ।
मोटरसाइकल चालकले छोडेको झोला चेकजाँच गर्दा झोलाभित्र १० के.जी. गाँजा फेला परेको थियो । उक्त गाँजा र मोटरसाइकल बरामद गरी इलाका प्रहरी कार्यालय भेडेटारमा राखिएको छ ।
