झापा, मंसिर १५ । प्रतिबन्धित लागूऔषध ब्राउनसुगरसहित उदयपुरका एक युवक मेची पुलमा पक्राउ परेका छन् ।
हिजो साँझ ५.१० बजे मेची पुलमा भारतबाट नेपालतर्फ आउँदै गरेको को १२ प ४५७३ नम्बरको मोटरसाइकलका चालक उदयपुर चौडण्दीगढी नगरपालिका वडा न. १ घर भई हाल इटहरी उपमहानगरपालिका वडा न. १९ बस्ने २८ वर्षीय जीवन कामी ब्राउनसुगरसहित पक्राउ परेका हुन् ।
शंका लागेर चेकजाँच गर्दा उनको साथबाट प्लाष्टिकसहित ४ ग्राम ब्राउनसुगर फेल परेको थियो । मोटरसाइकलसहित नियन्त्रणमा लिई उनलाई इलाका प्रहरी कार्यालय काकरभिट्टामा राखिएको जिल्ला प्रहरी कार्यालयले जनाएको छ ।
