झापा, मंसिर १७ । लिटल स्टार अंग्रेजी माध्यमिक विद्यालय बाह्रदशी – २ का संस्थापक प्रिन्सिपल खड्गनारायण राजवंशीको निधन भएको छ ।
प्याब्सन झापाका जिल्ला सदस्यसमेत रहेका राजवंशीको ५१ वर्षको उमेरमा हिजो दिउँसो बीएण्डसी अस्पतालमा निधन भएको हो । उनलाई सुगर र मिर्गौलाको समस्या रहेको थियो ।
आज बिहान ११ बजे उनको कन्काई माईमा अन्त्येष्टि गरिने परिवारले जनाएको छ । उनको निधनमा लिटल स्टार माविले आज शोक विदा दिएको छ ।
