झापा , फागुन २ । झापा बिर्तामोडका एक युवक लागूऔषधसहित बिराटनगरमा पक्राउ परेका छन् ।
हिजो दिउँसो बिराटनगर–१५ बाट ब्राउनसुगरसहित बिर्तामोड–६ का १८ बर्षीय रोहित राजवंशी पक्राउ परेका हुन् । इलाका प्रहरी कार्यालय रानी र लागूऔषध नियन्त्रण ब्युरोबाट खटिएको प्रहरी टोलीले चेकजाँचको क्रममा भारतबाट नेपालतर्फ आउँदै गरेका पैदलयात्री राजवंशीको साथबाट १४ ग्राम ७८ मिलिग्राम ब्राउनसुगर बरामद गरेको थियो । उनलाई नियन्त्रणमा लिई थप अनुसन्धान भइरहेको प्रहरीले जनाएको छ ।
