झापा, चैत २० । ट्रयाक्टरबाट झरेर झापा गाउँपालिकामा एक वृद्धको मृत्यु भएको छ ।
आज दिउँसो ४.३० बजे झापा गाउँपालिका वडा न.३ झाँटीस्थित भित्री पक्की सडकखण्डमा झाँटीबाट कामाटोलीतर्फ जाँदै गरेको मे १ त ४१०७ नं.को ट्रयाक्टरमा सोही ठाउँका ६० वर्षीय रमेश हस्दा लिप्ट मागेर चढेका थिए ।
अचानक बेहोस भई उनी ट्रयाक्टरबाट झरेर घाइते भएकोमा उपचारको लागि स्वास्थ्य चौकी शरणामति लगिएको थियो । त्यहाँ सामान्य उपचारपश्चात् थप उपचारको लागि प्रादेशिक अस्पताल भद्रपुर पठाइएकोमा उपचारको क्रममा साँझ ६ः३० बजे मृत्यु भएको हो ।
शव प्रादेशिक अस्पतालको शवगृहमा पोष्टमार्टमको लागि राखिएको छ । ट्रयाक्टर धनी आफै भएका चालक सोही ठाउँ बस्ने ४८ वर्षीय देवकुमार गणेश र ट्रयाक्टरलाई प्रहरीले नियन्त्रणमा लिएको जिल्ला प्रहरी कार्यालयले जनाएको छ ।
