झापा, चैत २० । ताप्लेजुङमा घरायसी विवादमा  भाइले  दाईमाथि  खुकुरी प्रहार गरेका छन् । 

आज दिउँसो १.३० बजे ताप्लेजुङ फक्ताङलुङ –६ फेम्बु बस्ने ३४ वर्षीय इन्द्र फेम्बु लिम्बू र उनका भाइ ३१ वर्षीय किसान फेम्बु लिम्बूबिच घरायसी विवाद भएको थियो । त्यसक्रममा किसानले दाई इन्द्रलाई एक्कासि धारिलो हतियार खुकुरी प्रहार गरेका थिए ।

घाइतेलाई उपचारको लागि जिल्ला अस्पताल ताप्लेजुङतर्फ पठाइएको र धारिलो हतियार प्रहार गर्ने किसानलाई नियन्त्रणमा लिएको प्रहरीले जनाएको छ ।

प्रतिक्रिया

कृपया प्रतिक्रिया लेख्नुहोस्!
कृपया आफ्नो नाम लेख्नुहोस्