झापा,बैशाख २३ । राष्ट्रपति रामचन्द्र पौडेलले चिकित्सक बिदेसिने क्रम बढ्नु चिन्ताको विषय भएको बताएका छन् ।
मंगलबार काठमाडौंमा चिकित्सा विज्ञान राष्ट्रिय प्रतिष्ठानको २३ औं स्थापना दिवसको अवसरमा आयोजित कार्यक्रमलाई सम्बोधन गर्दै राष्ट्रपति पौडेलले नेपालमै स्तरीय स्वास्थ्य सेवा तथा उपचार हुन थालेको छ भन्ने आफैंले अनुभव गरेको बताएका हुन् ।
स्वास्थ्य सेवामा सुधार हुँदाहुँदै पनि सम्पूर्ण जनशक्तिले पर्याप्त अवसर नपाएको भन्ने गुनासो आइरहेको उनले बताए । त्यसको परिणाम चिकित्सक बिदेसिने क्रम बढ्नु चिन्ताको विषय भएको जिकिर गरे ।
‘स्वास्थ्य सेवामा सुधार हुँदा हुँदै पनि सम्पूर्ण जनशक्तिले पर्याप्त अवसर नपाएको भन्ने गुनासो आइरहेको र त्यसको परिणाम चिकित्सकहरू बिदेसिने क्रम बढ्नु चिन्ताको विषय हो,’ उनले भने ।
संविधानको भावनाअनुसार आम नागरिकको स्वास्थ्यमा समान पहुँच पु¥याउन र स्वास्थ्य सेवाको गुणस्तरमा वृद्धि गर्न ध्यान केन्द्रित हुनुपर्ने राष्ट्रपति पौडेलले बताए । अहिले देशको स्वास्थ्य र शिक्षामा गुणात्मक सुधार भएको समेत उनले बताए ।
