बिर्तामोड ,बैशाख ९ । आसन्न स्थानीय निर्वाचनका लागि पालिका प्रमुख तथा उपप्रमुख उम्मेदवारहरूको निर्णय गर्न नेपाली कांग्रेस झापाले छलफल शुरु गरेको छ ।
![](https://pratidindaily.com/wp-content/uploads/2022/04/278936498_1723407564662693_1959475068517590082_n-1024x768.jpg)
उम्मेदवार सिफारिस गर्नका लागि नेपाली कांग्रेस झापाले संसदीय बोर्ड बनाएको थियो । सोही बोर्डले नगर र गाउँ समितिबाट आएका नामहरु उपर छलफल थालेको हो । ती गाउँ तथा नगर समितिले तीनजनाको नाम सिफारिस गरी पठाएकोमा दुईजनाको मात्र सिफारिस गर्न लगाउने विषयमा छलफल भएको जनाइएको छ । जिल्लाको संसदीय बोर्डले प्रदेश समितिलाई रायसहित सिफारिस पठाउने बुझिएको छ ।
बोर्डको बैठक भोलि पनि बस्ने र संभवतः पर्सीसम्म उम्मेदवार यकिन भइसक्ने पार्टीका जिल्ला सभापति देउमान थेबेले बताए ।