झापा , मंसिर ९ । झापा क्षेत्र नं ४ (१) को प्रदेशसभा निर्वाचनमा नेकपा एमालेका राधाकृष्ण खनाल निर्वाचित भएका छन् ।
![](https://pratidindaily.com/wp-content/uploads/2022/11/316449679_542380330651788_8822741476720454121_n.jpg)
उनले प्रदेश नं १ का पूर्व कृषिमन्त्री झलकसिंह दर्लामीलाई पराजित गरेका हुन् । निवर्तमान प्रदेश सांसद दर्लामी सत्तारुढ गठबन्धनका तर्फबाट माओवादीका उम्मेदवार हुन् । खनालले १३ हजार ९५१ मत पाउँदा दर्लामीले १२ हजार ३७१ मत पाएका छन् । त्यस्तै हाम्रो नेपाल पार्टीका होमप्रसाद गौतमले १३४६ मत ल्याई तेस्रो स्थान ओगटेका छन् । कूल ३३ हजार २५६ मत खसेकोमा १६०७ मत बदर भएको निर्वाचन अधिकृत प्रकाश गौतमले बताए ।