झापा , माघ १७ । झापा र सुनसरीको छुट्टाछुट्टै दुई स्थानबाट प्रतिबन्धित लागूऔषधसहित दुईजनालाई प्रहरीले पक्राउ गरेको छ ।
सोमबार दिउँसो झापाको भद्रपुर नगरपालिका-५ मेचीपुलबाट प्रहरी बिट मेचीपुलमा खटिएको प्रहरी टोलीले चेकजाँच गर्ने क्रममा भारतबाट नेपालतर्फ आउदै गरेको साईकल यात्री ३२ बर्षीय सन्तोष विश्वकर्माको साथबाट डाईजेपाम र फेनारगन २१ एम्पुल फेला पारी पक्राउ गरेको हो भने सोही दिन सुनसरीको कोशी गाउँपालिका-१ केराबारीमा संकास्पद अवस्थामा फेला पारी चेकजाँच गर्नेक्रममा रामधुनि नगरपालिका-३ का २७ बर्षीय करणकुमार चौधरीको साथबाट २.७९ ग्राम ब्राउनसुगर फेला पारी प्रहरीले नियन्त्रणमा लिएको हो । पक्राउ परेका उनीहरुको सम्बन्धमा सम्बन्धीत कार्यालयहरुबाट थप अनुसन्धान भईरहेको छ ।
