झापा, भदौ २१ । नेपालको पूर्वी तराईमा बसोबास गर्ने आदिवासी समुदायका राजवंशी, गन्गाई, ताजपुरिया जातिले बिहीवार दधिकाद पर्व मनाएका छन् ।
![](https://pratidindaily.com/wp-content/uploads/2023/09/373413762_330909506056974_3781175109988242192_n-1024x461.jpg)
धार्मिक एवम् साँस्कृतिक रुपमा महत्वपूर्ण यो खेल पर्व हो । झापा, मोरङ र सुनसरी जिल्लाका आदिवासी समुदायले श्रीकृष्ण जन्माष्टमीको भोलिपल्ट दधिकाद पर्व मनाउँछन् । दधिकाद खेल खेलाउँदा आफ्नो मनले चाहेको पुग्ने जनविश्वास छ । भगवान कृष्णले दही चोरेर खाने र दहीको हिलोमा खेलेको संझनामा अहिले माटोको हिलोलाई नै दही मानी खेल्ने गरिन्छ ।
झापाको गरामनी ,मेचीनगर नगरपालिकालगायतका स्थानमा आदिवासी समुदायले दधिकाद पर्व आयोजना गरेका थिए । भजन किर्तन गर्दै तेल दलेको चिल्लो बाँसमाथि चढेर पोको फुकाउने, हिलो दलेर नरिवल खोस्ने, हाँडी फुटाएर पुरस्कार जित्ने प्रतियोगितात्मक खेलकुदलगायत एक आपसमा हिलो दलादल गरेर यो पर्व मनाउँछन् । दधिकाद पर्वका अवसरमा बिर्तामोड नगरपालिकाको गरामनी , अनारमनी , नचानुवारीलगायतका ठाउँमा कार्यक्रम आयोजना गरिएको थियो । अनारमनी र गरामनीमा आयोजित दधिकाद खेल पर्वलाई बिर्तामोड नगरपालिकाका उपप्रमुख नगेन्द्रप्रसाद संग्रौलाले उद्घाटन गरेका थिए ।
![](https://pratidindaily.com/wp-content/uploads/2023/09/373408261_1732406597210481_907144387024265056_n-1024x461.jpg)
![](https://pratidindaily.com/wp-content/uploads/2023/09/373416992_712046794111311_1531538156822018746_n-1024x461.jpg)
![](https://pratidindaily.com/wp-content/uploads/2023/09/376833221_3482483458631985_76398945761273113_n-618x1024.jpg)
![](https://pratidindaily.com/wp-content/uploads/2023/09/373406089_1035830397419847_1834422464340609817_n-1024x461.jpg)