झापा, भदौ ३० । झापाको बिर्तामोडमा पहिचानवादीहरुले घरेलु हतियार लठ्ठीसहित युवा दस्ता घोषणा गर्ने तयारी गरिरहँदा त्यसलाई रोक्न ठूलो संख्यामा सुरक्षाकर्मी परिचालन गरिएको छ ।
![](https://pratidindaily.com/wp-content/uploads/2023/09/378086457_1270745620301389_2841615183986307954_n-1024x461.jpg)
प्रदेश नं १ पुनः नामांकन संयुक्त संघर्ष समिति झापाले बिर्तामोडमा १५०१ जनाको युवा दस्ता घोषणा गर्न लागेको आदिवासी जनजाति महासंघका अध्यक्षसमेत रहेका प्रदेश नं १ पुनः नामांकन संयुक्त संघर्ष समिति झापाका संयोजक पाण्डवलाल चौधरीले बताए । युवा दस्ता घोषणाका लागि धेरै संख्यामा पहिचानवादीहरु सिटी सेन्टरको साई पार्टी प्यालेसमा भेला भएका छन् । उनीहरुको लागि एक गाडी हरिया बाँसको लठ्ठी ल्याइएको छ । को २ च ७७८ नं को क्यारियरमा उनीहरुले हरिया बाँसको लठ्ठी ल्याएका हुन् । त्यस्तै युवा दस्ताका लागि एक गाडी जर्सी ल्याइएको छ ।
![](https://pratidindaily.com/wp-content/uploads/2023/09/378099781_1283611122517408_5146894946475473072_n-1024x461.jpg)
सिटी सेन्टरमा युवा दस्ता घोषणा गरेर बिर्तामोडको मुक्ति चोकमा मार्चपास गर्ने कार्यक्रम रहेको छ । शान्तिपूर्ण प्रदर्शन गर्ने अधिकारलाई सम्मान गर्दै घरेलु हतियारको रुपमा रहेको लठ्ठी प्रदर्शन गर्न नदिइने जिल्ला प्रहरी कार्यालयका प्रवक्ता डीएसपी खगेन्द्रप्रसाद रिजालले बताए । यसअघि भदौ २६ गते पहिचानवादीहरुले हल्दिवारीमा १०१ जनाको हतियारधारी युवा दस्ता गठन गरेका थिए । हतियारधारी युवा दस्ताको मार्चपास कार्यक्रमलाई रोक्न ठूलो संख्यामा सशस्त्र र जनपद प्रहरी परिचालन गरिएको छ ।
![](https://pratidindaily.com/wp-content/uploads/2023/09/378065328_1894942394235911_8820416636427462859_n-1024x461.jpg)
![](https://pratidindaily.com/wp-content/uploads/2023/09/377916132_1014612359581248_8281269127840472781_n-1024x461.jpg)
![](https://pratidindaily.com/wp-content/uploads/2023/09/3-1-1024x461.jpg)
![](https://pratidindaily.com/wp-content/uploads/2023/09/378079102_832512091614788_3718147786791013060_n-1024x461.jpg)