भद्रपुर,असोज २२ । राष्ट्रिय मानव अधिकार आयोग कोशी प्रदेशले झापाको मानव अधिकारको वर्तमान अवस्थाको बारेमा सरोकारवालासंग छलफल गरेको छ ।
![](https://pratidindaily.com/wp-content/uploads/2023/10/Humen-Right-Jhapa-1024x768.jpg)
झापाका प्रमुख जिल्ला अधिकारी शिवराम पोखरेलको अध्यक्षतामा मानव अधिकारअन्तर्गत खाद्य सुरक्षा तथा जातीय विभेदको वर्तमान अवस्थाबारे सर्वपक्षीय छलफल गरिएको हो ।
आयोगको कोशी प्रदेश प्रमुख पवनकुमार भट्टले सहजीकरण गरेको कार्यक्रममा अग्रज पत्रकार चिन्तामणि दाहाल, मोहन काजी न्यौपाने, झापा वारका अध्यक्ष नारायणप्रसाद भट्टराई, अधिवक्ता कविता बाँस्तोला, अधिकारकर्मी विष्णुप्रसाद खरेल, दिपक दास, रणदेव हजाम, सोमनाथ पोर्तेललगायतले धारणा राख्दै राज्यले वर्तमान कानुनलाई समय अनुकूल परिमार्जन गर्न नसकेकै कारण मानव अधिकार हनन्मा राज्य नै कारक बनिरहेको भन्दै पीडकलाई संरक्षण गर्ने कानुन बदलेर पीडितको सुरक्षा हुने कानुन बनाउन आवश्यक रहेको धारणा राखेका थिए ।
उनीहरूले खाद्य सुरक्षाका लागि स्थानीय सरकार बलियो रूपमा आउन सके अस्वाभाविक मूल्यवृद्धि तथा कालोबजारी अन्त्य भइ नागरिकको दैनिक जीवनयापन सहज बन्न सक्ने विचार राखेका थिए ।