झापा, पुष २ । नेपाल जेसीजको अध्यक्षमा रविन पोखरेल निर्वाचित भएका छन् ।
बुटवलमा सम्पन्न नेपाल जेसीजको ५० औं महाधिवेशनबाट पोखरेल बर्ष २०२४ का लागि अध्यक्षमा निर्वाचित भएका हुन् । अध्यक्षमा पोखरेलसहित रजनी थापा, रश्मी शिल्पकार र विजय गुरुङ चुनावी मैदानमा थिए । तीन जनालाई पछि पार्दै नुवाकोट जेसीजका पोखरेलले बाजी मारेका हुन् ।
त्यस्तै कार्यकारीणी उपाध्यक्षमा झापाका भिमबहादुर कुँवर निर्वाचित भएका छन् । अर्जुनधारा जेसीजका पूर्व अध्यक्ष कुँवर यसअघि नेपाल जेसीजको उपाध्यक्ष थिए । राष्ट्रिय कार्यकारीणी उपाध्यक्ष ४ जनाका लागि ९ जना चुनावी मैदानमा थिए ।
त्यसैगरी उपाध्यक्षमा झापाबाट दुई जना निर्वाचित भएका छन । धुलाबारी जेसीजका योगेश राजवंशी र वीरता जेसीजका घनश्याम चौधरी उपाध्यक्षमा निर्वाचित भएका हुन् । राष्ट्रिय उपाध्यक्ष १२ जनाका लागि २२ जना मैदानमा थिए ।
नेपाल जेसीजको २१ सदस्यीय कार्यसमितिमा एक अध्यक्ष, चार कार्यकारीणी उपाध्यक्ष र १२ जना उपाध्यक्ष निर्वाचित भएका छन् भने ३ जना अध्यक्षले मनोनयन गर्नेछन । निवर्तमान अध्यक्ष पदेन सदस्य रहने व्यवस्था छ । बुटवलको अन्तर्राष्ट्रिय सम्मेलन केन्द्रमा भएको अधिवेशनमा विद्युतीय मेसिनमार्फत भोटिङ भएको थियो ।
