झापा, चैत ११ । होली मनाएर नदीमा पौडी खेल्न गएका तीनजना बालबालिका आइतबार बेपत्ता भएका छन्।
![](https://pratidindaily.com/wp-content/uploads/2024/03/sun-koshi-1024x521.jpg)
सुनकोशी नदीमा पौडी खेल्न गएका उदयपुरको त्रियुगा नगरपालिका वडा नम्बर १४ साउनेका तीनजना बालबालिका बेपत्ता भएका हुन्।
जिल्ला प्रहरी कार्यालय उदयपुरका प्रहरी उपरीक्षक रमेश थापाका अनुसार साउनेका ८ वर्षीय चोलकचन्द्र मगर, ७ वर्षीय रिदम मगर र ११ वर्षीया रेखा मगर बेपत्ता भएका हुन्।
होली मनाएर साउनेको धाप्लाङघाटस्थित पौडी खेल्न गएका उनीहरू डुबेर बेपत्ता भएको प्रहरी उपरीक्षक थापाले बताए।
उनीहरूसँगै पौडी खेल्न गएका अन्य ४ बालबालिकालाई स्थानीयले सुनकोशीबाट उद्धार गरेको उनले बताए । बेपत्ता भएका बालबालिकाहरूको खोजी तीव्र पारिएको प्रहरी उपरीक्षक थापाले जानकारी दिएका छन्।