झापा, जेठ १५ । बिर्तामोडका धेरै महिलामा आङ खस्ने समस्या पाइएको छ ।
![](https://pratidindaily.com/wp-content/uploads/2024/05/444928488_122162321468038844_63693500023122910_n-1024x768.jpg)
लायन्स क्लब अफ बिर्तामोड लेडीले बीएण्डसी तथा पूर्वाञ्चल क्यान्सर अस्पतालको प्राविधिक सहयोग र बिर्तामोड नगरपालिकाको सहयोगमा जलकन्या मन्दिर बुट्टाबारी–६ मा आयोजना गरेको निःशुल्क स्वास्थ्य शिविरमा महिलामा सो समस्या भेटिएको हो । ८१ जना महिलाले आफ्नो पाठेघरसम्बन्धी जाँच गराउँदा ११ जनाको आङ खस्ने समस्या भेटिएको लायन्स क्लब अफ बिर्तामोड लेडीकी अध्यक्ष निरु उप्रेती ओलीले बताइन् ।
![](https://pratidindaily.com/wp-content/uploads/2024/05/443819936_122162317568038844_7082657100861448464_n.jpg)
पाठेघर सम्बन्धी सचेतना तथा पाठेघरको मुखको क्यान्सर जाँचसम्बन्धी निःशुल्क स्वास्थ्य शिविरमा गाइनोक्लोजिष्ट डाः ज्योति लामाको टीमले सचेतनासंगै स्वास्थ्य जाँच गरेको थियो । बिर्तामोड नगरपालिकाका नगर प्रमुख पवित्रा महतारा प्रसाईको प्रमुख आतिथ्यमा भएको कार्यक्रममा लायन्स लिडर, बीएण्डसी तथा पूर्वाञ्चल क्यान्सर अस्पतालका स्वास्थ्यकर्मी , छठ युवा फ्रन्ट, बिभिन्न संघ संस्थाका प्रतिनिधिहरुको सहभागिता रहेको थियो ।