झापा, कात्तिक २३ । ओखलढुंगाको सिद्धिचरण–११ रमाइलो डाँडामा तास खेल्दै गर्दा ६ जना पक्राउ परेका छन् ।
बिहीवार राति १२.३० बजेको समयमा रमाइलो डाँडास्थित फ्रेण्डसीप वर्कसपको संचालक सुत्ने माथिल्लो तलाको कोठामा तास खेलिरहेको अवस्थामा जिल्ला प्रहरी कार्यालय ओखलढुंगाबाट गएको गस्ती टोलीले छापा मारेको थियो । प्रहरीले तासको खालबाट तास–१ सेट, नगद २२ हजार रुपैयाँ बरामद गरेको छ ।
तास खेल्दै गर्दा फ्रेण्डसीप वर्कसपका संचालक सुनकोशी –९ बस्ने अन्दाजी २८ वर्षीय लेखबहादुर सुनुवार,सिद्धिचिरण –७ बस्ने अन्दाजी २४ वर्षीय ताराबहादुर कार्की , वडा नं ५ बस्ने अन्दाजी २४ वर्षीय डिखुरी शेर्पा , वडा नं .७ बस्ने अन्दाजी २८ वर्षीय तेन्जी शेर्पा , सोही ठाउँका अन्दाजी २४ वर्षीय पासाङ शेर्पा र अन्दाजी २२ वर्षीय जाङबु शेर्पा पक्राउ परेको प्रहरीले जनाएको छ ।
