झापा, मंसिर ७ । भारतबाट लागूऔषध भित्र्याउन खोज्ने मकवानपुरका एक युवक मेची पुलमा पक्राउ परेका छन् ।
आज दिउँसो ३.३० बजे मेचीनगर– ६ स्थित पुरानो मेची पुलमा भारतबाट सिटीरिक्सामा चढेर नेपालतर्फ आउँदैं गरेका मकवानपुर थाहा नगरपालिका वडा न. ६ बस्ने ३१ वर्षीय आशाकाजी तामाङ ब्राउनसुगरसहित पक्राउ परेका हुन् ।
शंका लागेर प्रहरीले चेकजाँच गर्दा उनले बोकेको झोलाभित्र प्लाष्टिकले पोका पारी लुकाई छिपाई ल्याउँदैं गरेको प्लाष्टिकसहित १९ ग्राम ५७० मिलिग्राम ब्राउनसुगर फेला परेको थियो ।
लागूऔषधसहित उनलाई नियन्त्रणमा लिई इलाका प्रहरी कार्यालय काँकरभिट्टामा राखी थप अनुसन्धान भइरहेको जिल्ला प्रहरी कार्यालयले जनाएको छ ।
