झापा , फागुन १३ । प्रतिबन्धित लागूऔषध ब्राउनसुगरसहित एकजना पक्राउ परेका छन् ।
पक्राउ पर्नेमा दमक ९ बस्ने २५ वर्षिय रोशन दर्जी रहेका छन् । हिजो दिउँसो ३ बजे मेची पुलबाट ईलाका प्रहरी कार्यालय काँकडभिट्टा र लागूऔषध नियन्त्रण ब्युरो काँकडभिट्टाबाट खटिएको संयुक्त प्रहरी टोलीले चेकजाँच गर्ने क्रममा उनलाई पक्राउ गरेको हो । उनको साथबाट लुकाएर ल्याउँदै गरेको ५ ग्राम ब्राउनसुगर बरामद भएको छ । उनलाई थप अनुसन्धान तथा कानुनी प्रकृयाको लागि ईप्रका काँकडभिट्टामा राखिएको जिल्ला प्रहरी कार्यालयले जनाएको छ ।
