झापा , असोज २ । संविधान दिवस तथा विश्व सरसफाई दिवसको अवसर पारेर सशस्त्र प्रहरी बल नेपालले व्यापक सरसफाइ गरेको छ ।
![](https://pratidindaily.com/wp-content/uploads/2021/09/242189317_279597837085392_2507902708698342379_n.jpg)
सशस्त्र प्रहरी बल नेपाल नं २ गण हेडक्वाटर झापा तथा मातहत सुरक्षा बेश र बिओपीहरुद्वारा झापा जिल्लाका विभिन्न स्थानहरुमा सरसफाइ गरिएको हो ।
![](https://pratidindaily.com/wp-content/uploads/2021/09/241405368_830313547650594_4492343253726708692_n-1-1024x768.jpg)
शनिबार बिहान ७ बजेदेखि ९ बजेसम्म स्थानीय, उद्योग वाणिज्य संघ भद्रपुरलगायत सम्बन्धित ब्यवस्थापन समितिहरुसँग सहकार्य गरी सरसफाई गरिनुका साथै मास्क वितरण गरिएको सूचना अधिकृत सशस्त्र प्रहरी नायव उपरीक्षक प्रेम प्रसाईले बताए ।
![](https://pratidindaily.com/wp-content/uploads/2021/09/0-02-04-96c10d58f951fba861e0237d25b371df54e480b9f867563b9988e86452499117_e145148eb279c7ce-1024x768.jpg)
उनले भद्रपुर ९ स्थित दुर्गा मन्दिर, भद्रपुर ८ स्थित अस्पताल चोक, कचनकवल १ मा रहेको दुर्गा मन्दिर, दमक–२ स्थित बेलडाँगी बिशेश्वर शिवालय मन्दिर, गौरादह–९ मा रहेको शिवालय मन्दिर ( खजुरबारी ), अर्जुनधारा –७ मा अवस्थित अर्जुनधारा मन्दिर र झापा गापा १ मा रहेको सितुमारी किराँतेश्वर मन्दिरमा सरसफाइ गरिएको जानकारी दिए ।