झापा, पुष २० । नेकपा एमालेले झापाका दीपक कार्कीसहित ६ जना नेतालाई केन्द्रीय सदस्यमा मनोनित गरेको छ ।
![](https://pratidindaily.com/wp-content/uploads/2024/01/416045827_10220010741417947_6124741871415144687_n.jpg)
शुक्रवार बसेको सचिवालय बैठकले प्रदेश अध्यक्षबाट बिदा भएकासहित ६ जना नेतालाई केन्द्रीय सदस्य मनोनित गरिएको महासचिव शंकर पोखरेलले बताए । उनका अनुसार कोशी प्रदेशबाट तुलसीप्रसाद न्यौपाने, बागमतीबाट केशवराज पाण्डे, कर्णालीका विनोद शाह, मधेशका रामअवतार यादव, सुदूरपश्चिमका दामोदर भण्डारी र झापाका जिल्ला अध्यक्ष दीपक कार्कीलाई केन्द्रीय सदस्यमा मनोनित गरिएको हो ।
प्रदेश अधिवेशनबाट अध्यक्षमा उम्मेवार बनेका कोशीका विनोद ढकाल,बागमतीका कृष्ण दाहाल,गण्डकीका मायानाथ अधिकारी र लुम्बिनीका हरि रिजालको केन्द्रीय सदस्य पद स्वतः रिक्त भएको थियो ।