झापा, असार २५ । रतुवा खोलामा आएको बाढीका कारण गौरादहका २५ घर डुबानमा परेका छन् ।
![](https://pratidindaily.com/wp-content/uploads/2024/07/kohobara.jpg)
आज दिउँसो १.३० बजेको समयमा गौरादह नगरपालिका ६ स्थित रतुवा खोलामा पानीको बहाव बढेर टंगुवा टोलमा रहेको ताजपुरीया बस्तीमा पस्दा २५ घर डुबानमा परेका हुन् । घरमा पानी पसेर सामान्य क्षति पु¥याएको भन्ने खबर प्राप्त हुनासाथ प्रहरी टोली खटिएको जिल्ला प्रहरी कार्यालयले जनाएको छ । मानिसहरु बिस्थापित हुने अवस्था तत्काल नरहेको र खोलामा पानीको बहाव घट्ने क्रममा रहेको प्रहरी निरीक्षक ढुण्डीराज गिरीले जानकारी दिए ।
![](https://pratidindaily.com/wp-content/uploads/2024/07/b29bae5a-c428-4c76-9499-a013170a0d8e-1024x768.jpg)
त्यस्तै बिहानदेखि परेको अविल बर्षाका कारण मेची खोलामा आएको बाढीले कटान गर्दा हात्ती छेक्न लगाएको ३ वटा पिलरसहित फेन्सिङ तार बगाएको छ । मेचीनगर नगरपालिका १ र ४ को सिमाना प्रसाद गौडामा बाढीले कटान गर्दा पिलरसहित फेन्सिङ तारसमेत बगाउँदा अन्दाजी एक लाख बराबरको क्षति भएको प्रहरी निरीक्षक गिरीले जानकारी दिए ।