झापा, असार २७ । उदयपुरको त्रियुगा खोलाले बगाएर एक वृद्धाको मृत्यु भएको छ ।
आज साँझ पौने ६ बजेतिर उदयपुर त्रियुगा नगरपालिका वडा नं ५ उत्तराई टोल देवी मन्दिरस्थित त्रियुगा खोलाले बगाउँदा त्रियुगा नगरपालिका ६ जलजले बस्ने ६५ वर्षीया दुर्गा प्रधानको मृत्यु भएको हो ।
खेतबाट त्रियुगा खोला तरेर घर फर्कनेक्रममा उनलाई खोलाले बगाएको थियो । बगाएको ठाउँदेखि अन्दाजी ५–७ सय मिटर दक्षिण उनको शव फेला परेको प्रहरीले जनाएको छ ।
