झापा , साउन ७ । भारतबाट लागूऔषध भित्र्याउन खोज्ने दुई भारतीय कारोबारी पक्राउ परेका छन् ।
![](https://pratidindaily.com/wp-content/uploads/2024/07/0770374e-1a5a-4a37-b59d-00d41b1b13d4.jpg)
आज दिउँसो ३.३० बजे झापाको मेचीनगर ६ स्थित काँकरभिट्टा बसपार्कमा लागूऔषध नियन्त्रण व्युरो काँकरभिट्टा र इलाका प्रहरी कार्यालय काँकरभिट्टाबाट खटिएको प्रहरी टोलीले दार्जिलिङ खोरीबारी थाना बस्ने २२ वर्षीय अब्बास राजग्र र सोही ठाउँ बस्ने २२ वर्षकै मफिजुद्यिन अन्सारीलाई लागूऔषधसहित पक्राउ गरेको हो । उनीहरुको साथबाट प्लास्टिकबाहेक १० ग्राम ७४० मिलिग्राम ब्राउनसुगर फेला परेको छ ।
दुवैजनालाई नियन्त्रणमा लिई इलाका प्रहरी कार्यालय काँकरभिट्टामा राखी अनुसन्धान भइरहेको जिल्ला प्रहरी कार्यालयले जनाएको छ ।