बिर्तामोड, भदौ २९ । झापाको बिर्तामोडमा भएको मोटरसाइकल दुर्घटनामा एक दम्पती घाइते भएका छन् ।
बिर्तामोडको स्पाइन एक्स हस्पिटल नजिक पूर्वपश्चिम राजमार्गमा हिजो दिउँसो करिव ४ बजे मे ७ प ९४४४ नं को मोटरसाइकल आफै अनियन्त्रित भई दुर्घटना भएको हो । दुर्घटनामा परी मोटरसाइकल चालक प्रेमप्रसाद लम्साल र उनकी श्रीमती बबिता पराजुली लम्साल घाइते भएका हुन् । उनीहरुको बीएण्डसी अस्पतालमा उपचार भइरहेको छ ।
सिद्धार्थ ढुवानी सेवाका संचालक तथा मेची ट्रान्सपोर्ट एशोसिएसनका कार्यसमिति सदस्य लम्साल आफ्नी श्रीमतीलाई लिएर कार्यालयबाट राष्ट्रिय परिचयपत्रका लागि बिर्तामोड नगरपालिका जानेक्रममा दुर्घटनामा परेका हुन् । कुकुरले बाटो काट्दा मोटरसाइकल अनियन्त्रित भई पल्टिएको जनाइएको छ ।
