झापा,असोज १२ । पहिरोले पाँचथरमा थप २ जनाको मृत्यु भएको छ । आज बिहान १० बजे फिदिम ८, भोटेगाउँ बस्ने बर्ष ८२ का पशेम्बा शेर्पा आफ्नै घरनजिकै रहेको धारामा पानी लिन जाने क्रममा माथिबाट पहिरो आई उक्त पहिरोले शेर्पालाई बगाएको हो । उनको शव करिब २० मिटर तल फेला परेको थियो ।
त्यस्तै फिदिम २ मजिटेमा पहिरो गई घर पुर्दा एक महिलाको मृत्यु भएको छ । बिहान अन्दाजी १०ः४५ बजे देवीभक्त राईको घरमा माथिबाट पहिरो आई उक्त पहिरोले उनकी श्रीमती बर्ष ३५ की रन्जना राईको घटनास्थलमा नै मृत्यु भएको होे । उनका छोरा अन्दाजी बर्ष १४ का विपल राई घाईते भएका छन् उनलाई उपचारको लागि जिल्ला अस्पताल पाँचथर पठाएको प्रहरीले जनाएको छ ।
