झापा, असोज १३ ।अबिरल बर्षापछि आएको बाढीले झापा भद्रपुरको बेकरी र बिर्तामोडको एक फर्निचरमा ठूलो क्षति पुर्याएको छ ।
भद्रपुर –७ बस्ने नरबहादुर गिरीको घरमा अन्दाजी ३ फिट पानी पस्दा उनले घरनजिकै संचालन गरेको सृजना बेकरी उद्योगमा समेत पानी पसी बेकरी बनाउने सामान तथा मेसिन समेतमा क्षति हुँदा अन्दाजी ७० लाख बराबरको क्षति भएको छ ।
त्यस्तै बिर्तामोड –३ सैनिकमोडस्थित ओमसाई फर्निचर उद्योगमा पनि ठूलो क्षति भएको छ । भद्रपुर– ६ घर भई सैनिकमोड बस्ने मुन्ना साहले संचालन गरेको फर्निचर उद्योगमा अधुवा खोलामा आएको बाढी पसेको हो । फर्निचर उद्योगमा बाढी पस्दा उद्योगभित्र रहेका मेसिन तथा सामान गरी अन्दाजी १४ लाख ४१ हजार बराबरको क्षति पुर्याएको जिल्ला प्रहरी कार्यालयले जनाएको छ ।
