झापा, मंसिर १० । झापाको धार्मिक एवं पर्यटकीय स्थल सताक्षीधाममा नेपाली सेनाले आज बृहत सरसफाई गरेको छ ।
सताक्षी गोरक्षा महोत्सव तथा महायज्ञको पूर्वसन्ध्यामा २१ नं बाहिनी अड्डा र अरिदमन गण चारआलीका सेनाले धाम परिसर र बाटोमा सरसफाई गरेको अरिदमन गणका गणपति प्रमुख सेनानी प्राजु बस्न्यातले जानकारी दिए । सताक्षीधाम गोलोक गोवर्धन गौशाला तथा सताक्षीधाम धार्मिक तथा पर्यटन विकास समितिको संयुक्त आयोजनामा मंसिर १४ देखि २४ गतेसम्म महायज्ञ आयोजना हुने भएको छ ।
पञ्चकुण्डीय श्रीरुद्र महायज्ञ, श्रीतुलसी शालिग्राम, श्री सीताराम विवाह तथा लिङ्ग महापुराण कथा प्रवचन, ५१ फिट अग्लो रुद्राक्षको पार्थिव शिवलिङ्गमा विशेष अर्चना गरिने आयोजक संस्थाले जनाएको छ ।
