झापा, फागुन १३ । भारतबाट भन्सार छलेर सामान भित्र्याउँदै गर्दा सामानसहित चालक र पिकअप इलाम प्रहरीले नियन्त्रणमा लिएको छ ।
गएराति ११ बजे इलाम माइजोगमाई– १ नयाँबजारस्थित भित्री सडकखण्डमा प्रहरी टोलीले मे १ ज १६९४ नंम्बरको पिकअप चेकजाँच गर्ने क्रममा भन्सार छली ल्याएको रक्सी र चुरोटसहित पिकअप र पिकअप चालक सन्दकपुर –५ बस्ने वर्ष १९ की महिला चालक निमा शेर्पालाई नियन्त्रणमा लिएको हो ।
इलाका प्रहरी कार्यालय पशुपतिनगर ल्याई उक्त सामानहरु भन्सार कार्यालय बुझाउन मुचुल्का उठाउने कार्य भइरहेको जिल्ला प्रहरी कार्यालय इलामले जनाएको छ ।
