झापा, चैत २१ । अबैध हुण्डी कारोबार गर्ने एक महिला करिव २१ लाख रुपैयाँसहित राजधानीमा पक्राउ परेकी छन् ।
हिजो साँझ अन्दाजी ५ः३० बजे काठमाण्डौ महानगरपालिका वडा नं. २७ स्थित महाबौद्ध इलाकामा हुण्डीको अबैध कारोबार भइरहेको सूचनाको आधारमा प्रहरी वृत्त जनसेवाबाट प्रहरी नायव उपरीक्षक कृष्णकुमार चन्दको कमाण्डमा खटिएको प्रहरी टोलीले पक्राउ गरेको हो । प
क्राउ पर्नेमा तिब्बत स्थायी वतन भई हाल सुजा–३ जोगिन्दर नगर, मडी भारत ठेगाना भई काठमाण्डौ महानगरपालिका वडा नं. ६ बौद्ध बस्ने २६ वर्षीया रिक्शे वाङ्मो रहेकी छन् ।
शंकास्पद गतिविधि गरिरहेकी ती महिलालाई खानतलासी गर्दा उनको साथबाट नेपाली नगद रु. २० लाख ९२ हजार रुपैयाँ र एक थान मोवाईल फेला परेको थियो । सो सम्बन्धमा थप अनुसन्धान कार्य जारी रहेको प्रहरी नायव उपरीक्षक चन्दले जानकारी दिएका छन्
