एजेन्सी । अर्जेन्टिनी स्टार लियोनेल मेस्सीले पेरिस सेन्ट जर्मेनसँगको करार नवीकरण नगर्ने चर्चाबीच उनी पुरानो क्लब बार्सिलोना फर्कने चर्चा सुरु भएको छ।

फ्रान्सका सञ्चारमाध्यमहरूमा प्रकाशित रिपोर्टअनुसार पीएसजीसँग मेस्सीको करार नवीकरण यतिबेला असम्भवजस्तै देखिएको छ । बार्सिलोना यसको फाइदा उठाउँदै उनलाई क्लबमा भित्र्याउने तयारी गरिरहेको छ । यसअघि च्याम्पियन्स लिगको अन्तिम १६ बाट पीएसजी बाहिरिएसँगै बार्साका अध्यक्ष जोआन लापोर्टाले पर्दा पछाडि मेस्सीलाई फर्काउन प्रयास गरिरहेको समाचार पनि आएको थियो । मेस्सीको उच्च तलबको मागसँग पीएसजीका समर्थकहरू असन्तुष्ट रहेको बेला बार्सामा मेस्सीको स्वपनिल पुनरागमन सम्भव हुनसक्ने अनुमान गरिएको छ ।

प्रतिक्रिया

कृपया प्रतिक्रिया लेख्नुहोस्!
कृपया आफ्नो नाम लेख्नुहोस्