झापा, चैत १९ । असिनासहित आएको हावापानीले झापाको कन्काई नगरपालिकामा मात्र २२ सय हेक्टरभन्दा बढी क्षेत्रफलमा क्षति पुर्याएको छ ।
![](https://pratidindaily.com/wp-content/uploads/2023/04/d2acfa68-bfdd-44b6-8f19-8f926ddeb1fd-1024x768.jpg)
असिनासहितको हावापानीले बालीनालीमा गरेको क्षतिको तथ्यांक संकलन गर्नेक्रममा कन्काईमा २२८७ हेक्टर क्षेत्रफलमा क्षति पुगेको देखिएको कृषि ज्ञान केन्द्र झापाले जनाएको छ । कन्काई नगरपालिकाका नगरप्रमुख राजेन्द्रकुमार पोखरेलसहित प्राविधिकहरुको टोलीले हिजो क्षति संकलन गरेको थियो ।
क्षति पुगेको कुल क्षेत्रफलमध्ये आधाजतिमा बालीनाली रहेको छ । कन्काईमा करिव ११४३ हेक्टर क्षेत्रफलमा लगाइएको बालीनालीमा क्षति पुगेको कृषि ज्ञान केन्द्रका सूचना अधिकारी गणेश शिवाकोटीले बताए । त्यसमध्ये ९० प्रतिशतमा पूर्ण क्षति र १० प्रतिशतमा आंशिक क्षति पुगेको उनले जानकारी दिए । बालीनालीमा सबैभन्दा बढी क्षति मकै बालीमा पुगेको शिवाकोटीले बताए । ‘करिव ११४३ हेक्टर मकै बालीमा क्षति पुगेको छ’उनले भने,‘ थोरै क्षेत्रफलमा तरकारी बालीमा पनि क्षति पुगेको देखिन्छ ।’ त्योसंगै कन्काईमा घरहरुको छाना उडाएको , असिनाले छाना प्वाल बनाएको ,पशुचौपाया र पंछी मरेको पाइएको छ । आइतवार बिर्तामोड र भद्रपुर नगरपालिकामा भएको क्षतिको विवरण संकलन गरिने जनाइएको छ ।
![](https://pratidindaily.com/wp-content/uploads/2023/04/fade2875-48db-4ad2-87d8-ce6bdc5e98b4-1024x768.jpg)
![](https://pratidindaily.com/wp-content/uploads/2023/04/72b90991-9925-4770-b341-8f2c96b6b2a8-1024x768.jpg)
![](https://pratidindaily.com/wp-content/uploads/2023/04/2e367f4c-df94-4a8a-8f36-a43660cee6bb-1024x768.jpg)
![](https://pratidindaily.com/wp-content/uploads/2023/04/5bc8e738-1d5b-450c-9560-380f86e2796c-768x1024.jpg)
![](https://pratidindaily.com/wp-content/uploads/2023/04/20504e95-ff59-42c2-9a6b-eaef3b76767f-1024x768.jpg)
![](https://pratidindaily.com/wp-content/uploads/2023/04/4de7bd31-0ed5-480d-8374-42f138bf5cd4-1024x768.jpg)