एजेन्सी । भू–मध्यसागरमा भएको हेलिकोप्टर दुर्घटनामा ५ अमेरिकी सैनिकको मृत्यु भएको छ ।
![](https://pratidindaily.com/wp-content/uploads/2023/11/401710820_355943563598133_2671586358540843977_n.gif)
अमेरिकी सेनाले नियमित अभ्यासमा रहेको हेलिकोप्टर इन्धन भर्ने क्रममा दुर्घटनामा परेको जनाएको छ ।
गत महिना इजरायल–प्यालेस्टाइनबीच पुनः द्वन्द्व बढेपछि अमेरिकाले सो क्षेत्रमा २ वटा विमानवाहक युद्धपोत पठाएको छ र सैनिक गतिविधिलाई बढाएको छ ।
अमेरिकाले सो दुर्घटनाग्रस्त हेलिकोप्टर कुन क्षेत्रमा उडान भर्दै थियो वा कुन स्थानमा दुर्घटना भयो भन्ने विषयमा केही खुलाएको छैन । अमेरिकाले इजरायललाई सहयोग गर्न र लेबनानमा सशस्त्र समूह हिजबोल्लाहको गतिविधिलाई नियन्त्रण गर्न भू–मध्यसागरमा युद्धपोत पठाएको हो ।