झापा, चैत ८ । प्रतिबन्धित लागूऔषध ब्राउनसुगरसहित दमकमा दुईजना पक्राउ परेका छन् ।
![](https://pratidindaily.com/wp-content/uploads/2024/03/cb8dc9a1-e05f-45b0-bf0f-9a2432e47d3e-965x1024.jpg)
पक्राउ पर्नेहरुमा दमक नगरपालिका वडा नं.५ बस्ने ४४ वर्षीय यादव राई र वडा नं.८ बस्ने २६ वर्षीय मनोज वोहोरा रहेका छन् । आज दिउँसो १२ः३० बजेको समयमा दमक ५ स्थित कामक्षा होटलनजिक रहेको यादव राईको घरकोठामा लागूऔषध बिक्री वितरण हँुदैछ भन्ने बिशेष सूचनाको आधारमा ईलाका प्रहरी कार्यालय दमकबाट खटिएको प्रहरी टोलीले घरकोठामा चेकजाँच गरेको थियो ।
त्यसक्रममा उनीहरुको साथबाट ३ ग्राम ५०० मिलिग्राम ब्राउनसुगर फेला परेको थियो । दुवैजनालाई लागूऔषध र नगदसहित नियन्त्रणमा लिई आवश्यक अनुसन्धान तथा कानुनी कार्वाहीको लागि इप्रका दमकमा राखिएको जिल्ला प्रहरी कार्यालयले जनाएको छ ।