भद्रपुर , कात्तिक २ । बिर्तामोड नगरपालिका ६ मा रहेको जग्गाको अतिक्रमण हटाउन भद्रपुर माविले प्रहरी प्रशासनलाई गुहारेको छ ।
विद्यालयले अतिक्रमित जग्गा खाली गराई संरक्षण गरी दिनका लागि जिल्ला प्रशासन कार्यालयलाई उजुरी दिएको हो । विद्यालयका प्रधानाध्यापक कुलबहादुर गुरुङले आज जिल्ला प्रशासन कार्यालयमा गएर निवेदन दर्ता गराएका छन् । त्यसको बोद्धार्थ भद्रपुर नगरपालिका र शिक्षा विकास समन्वय इकाइलाई दिइएको छ ।
विद्यालय व्यवस्थापन समितिको शुक्रबार बसेको बैठकले विद्यालयको सरकारी जग्गा खाली गराउनका लागि जिल्ला प्रशासन कार्यालयलाई गुहार्ने निर्णय गरेको थियो । विद्यालयको जग्गा व्यवस्थापनका सम्बन्धमा बसेको बैठकले कबुलियतनामा बमोजिम विभिन्न ब्यक्तिहरुलाई भोगचलन गर्न दिएकोमा सो जग्गामा अनाधिकृत व्यक्तिहरुले कब्जा, किचलो र भोगचलन गरी स्थायी संरचना निर्माण गरेको र आन्तरिक रुपमा किनबेच गर्दै आएकाले प्रहरी प्रशासन गुहार्ने निर्णय गरेको हो । विद्यालयको १७ विगाह १० कठ्ठा जग्गा विभिन्न व्यक्तिहरुले अतिक्रमण गरेका छन्
